नुवाकोटका ४ वटै प्रदेश निर्वाचन क्षेत्रमा नेपाली कांग्रेसद्वारा विशाल विरोध प्रदर्शन..

January 9, 2021

नुवाकोट, २५ पुष नेपाली कांग्रेसको देशभरको प्रदेशसभा निर्वाचन क्षेत्रमा प्रधानमन्त्री ओलीको असंवैधानिक कदमविरूद्ध विरोध गर्ने कार्यक्रम अन्तर्गत नुवाकोटको ४ वटै प्रदेश सभा निर्वाचन क्षेत्रमा विरोध प्रदर्शन भएको हो। नेपाली कांग्रेस नुवाकोटले प्रधानमन्त्री केपी शर्मा ओलीले संसद विघटन गरेको विरोधमा जिल्लाको चारवटै प्रदेशसभा निर्वाचन क्षेत्रमा विरोध प्रदर्शन गरेको छ ।

नेपाली कांग्रेसले नुवाकोट निर्वाचन क्षेत्र नम्बर १ (क) को तादी गाउँपालिकाको खरानिटारमा, क्षेत्र नम्बर १ (ख) को छहरेस्थित नाटेश्वरी होटेल एण्ड लजको प्राङ्गणमा, क्षेत्र नम्बर २ (क) को देविघाटमा र २ (ख) को बिदुरको कोलोनीमा केन्द्रीय नेताहरुको नेतृत्वमा विरोध प्रदर्शन गरेको हो। विरोधसभाको कोणसभामा बोलेका अधिकांश नेताहरूले प्रधानमन्त्री ओलीले प्रतिनिधिसभा विघटन गरेर आफ्नो निरंकुश चरित्र उजागर गरेको आरोप लगाएका थिए।

प्रधानमन्त्री ओलीको यो असंवैधानिक कदम मुलुकका लागि घातक साबित हुने समेत उनीहरूले बताएका थिए। नेपाली कांग्रेसको माघ ३ गते देशभरकै ७५३ वटै स्थानीय तह र माघ ८ गते देशभरका ६ हजार ७४३ वटै वडामा विरोध प्रदर्शन गर्ने कार्यक्रम रहेको नेपाली काङ्ग्रेस पन्चकन्या गाउँपालिकाका कार्यबाहक सभापती माधवप्रसाद खनालले जानकारी दिए ।

by Ramos Sapkota

स्याङ्जाका ६० वर्षीय पुरुषको कोरोना संक्रमणबाट मृत्यु, मृतक संख्या 14

स्याङ्जाको वालिङ नगरपालिकाका ती व्यक्तिमा आइतबार कोरोना संक्रमित पुष्टि भएपछि पोखरा स्वास्थ्य विज्ञान प्रतिष्ठानको आइसोलेसन बेडमा उपचारका लागि भर्ना गरिएको थियो । उनी लामो समयदेखि मिर्गौला रोगबाट पीडित भएको पाइएको छ । उनी ६ महिना अघिमात्रै उपचारका […]

admin Health