आज थपिए 232 संक्रमित, संक्रमितको संख्या 3235, थप 2 को मृत्यु, मृतक संख्या 13 पुग्यो

नेपालमा शनिबार थप तीन सय २३ जनामा कोरोना संक्रमण पुष्टि भएको छ ।

प्रादेशिक जनस्वास्थ्य प्रयोगशाला विराटनगरमा गरिएको परीक्षणमा ६ जनामा कोरोना पुष्टि भएको छ । उनीहरु मोरङ सुनवर्सी र बुद्धिगंगा गाउँपालिकाका १८ र २३ वर्षीय दुई पुरुषमा र सुनसरी भोक्राहाका चार जना मध्ये २४ र ३५ वर्षीया महिला, ३८ र ३५ वर्षीय पुरुष छन् । 

कोशी अस्पतालको प्रयोगशालामा गरिएको परीक्षणमा एक जनामा कोरोना पुष्टि भएको छ । उनी सप्तरीका ५० वर्षीय पुरुष छन् । भरतपुर अस्पताल कोभिड–१९ प्रयोगशालामा गरिएको परीक्षण्मा ३ जनामा कोरोना पुष्टि भएको छ । उनीहरु सबै नवलपरासी विनयत्रिवेणीस्थित क्वारेन्टाइनमा बस्दै आएका हुन् ।

यस्तै भेरी अस्पतालमा गरिएका परीक्षण्मा ४० जनामा कोरोना पोजेटिभ देखिएको छ । त्यसमध्ये बाँकेका १२ जना, २३ र ४१ वर्षीया महिला र चार बर्षीय बालकसहित ३८ वर्ष उमेर समूहका पुरुषहरु छन् । उनीहरु नेपालगन्ज, बैजनाथ र खजुराका बासिन्दा छन् । बर्दियाको राजापुर, मधुवन गुलरीया, भदैयाताल, बासघारीका २८ जना छन् ।  

प्रदेशिक जनस्वास्थ्य प्रयोगशाला पोखरामा गरिएको परीक्षणमा १४ जनामा कोरोना पोजेटिभ देखिएको छ । उनीहरु कास्की रुपा–५ र ७ का, पोखरा–२७ को क्वारेन्टाइनमा रहेका व्यक्तिहरु छन् । डा. देवकोटाका अनुसार धरानास्थित बिपि कोइराला स्वास्थ्य विज्ञान प्रतिष्ठानमा गरिएको परीक्षण्मा आठ जनाको पोजेटिभ रिर्पोट आएको छ । उनीहरु मध्ये सुनसरी धरानका एक जना, सप्तरी बालनविहुल गाउँपालिकाका सात जना छन् ।

यस्तै सेती अस्पतालमा गरिएको परीक्षण्मा १३ जनाको पोजेटिभ आएको छ । बझाङ खप्तडछान्नाका तीन जना क्वारेन्टाइनमा रहेका र ६ जनामा छन् । कन्चनपुर महाकाली एक जना, हाल कन्चनपुरमै रहेका काठमाडौंका स्थाइ बासिन्दा २ जनामा पनि कोरोना पुष्टि भएको छ । अछाम मंगलसैनस्थित क्वारेन्टाइनमा बसेका एक जनामा पोजेटिभ आएको छ । कैलाली धनगढी र गोदावरीको क्वारेन्टाइनमा रहेका दुई जनामा पनि कोरोना पोजेटिभ देखिएको छ । डडेल्धुरा नवदुर्गाका एक महिलामा पनि कोरोना देखिएको डा. देवकोटाले बताए ।   

कर्णाली स्वस्थ्य विज्ञान प्रतिष्ठान जुम्लामा गरिएको परीक्षण्मा ४४ जनामा कोरोना पोजेटिभ देखिएको छ । त्यसमध्ये दैलेख महाबुका ४३ जना छन् । उनीहरु मध्ये १८ महिने बालिकादेखि ६० वर्षीया महिलासम्म छन् । यस्तै पाँच वर्षीय बालकादेखि ४९ वर्षीय पुरुषसम्म छन् । यस्तै डोल्पा जगदुल्लाका ५८ वर्षीय पुरुषमा पनि कोरोना पुष्टि भएको छ ।  

सुर्खेत प्रादेशिक अस्पताल पशुपन्छि रोग अन्वेषण प्रयोगशालमा गरिएको परीक्षणमा ५७ जनामा कोरोना पुष्टि भएको छ । दैलेख दुल्लुका सात जना, सुर्खेत पञ्चपुरीका १० जना, जाजारकोटा भेरीनगरपालिका र बारेकोट नगरपालिकाका चारजना, सल्यानका ३८ जना छन् । यस्तै रुपेन्देही प्रदेशिक अस्पताल जनस्वास्थ्य प्रयोगशालामा गरिएको परीक्षण्मा १७ जनामा कोरोना पुष्टि भएको छ ।

अर्घाखाँचीका एक जना, कपिलवस्तुस्थित क्वारेन्टाइनमा रहेका ११ जना, नवलपरासीका दुई जना छन् । रुपन्देही रोहीणी र सुद्धोदनका तीन जना छन् ।

यस्तै, राष्टिय जनस्वास्थ्य प्रयोगशाला टेकुमा गरिएको परीक्षणमा एक सय २० जनामा कोरोना पोजेटिभ देखिएको छ । उनीहरु मध्ये भक्तपुर कमलविनायकका एक जना, धनुषा देउपुरास्थित क्वारेन्टाइनमा बसेका आठ जना, कपिलबस्तु महाराजगन्जका ७१ जना, काठमाडौ महानगरपालिकाका चार जना, महोत्तरीको गौशाला, मठिहानी, जलेश्वर, सोनामास्थित क्वारेन्टाइनमा रहेका ३५ जना छन् । रौतहट विश्वनाथका ६ जना, सर्लाही रामनगर र इश्वरपुरका २७ जना छन् । 

डा. देवकोटाका अनुसार संक्रमित मध्ये तीन हजार तीन जना पुरुष छन् भने दुई सय ३२ महिला छन् । हालसम्म देशभरका ७० जिल्लामा कोरोना संक्रमण देखिइसकेको छ । यस्तै  शनिवारसम्ममा तीन सय ६५ जना कोरोनामुक्त भइ अस्पतलाबाट डिस्चार्ज भएका छन् । त्यसमध्ये प्रदेश १ बाट ७९, प्रदेश २ बाट एक सय ३३, बागमती प्रदेशबाट ३२, गण्डकी प्रदेशबाट तीन, प्रदेश ५ बाट ९६, कर्णाली प्रदेशबाट नौ र सूदुरपश्चिम प्रदेशबाट १३ जना छन् । 

डोल्पाका ५८ वर्षीय पुरुष र धनगढीकी ५५ वर्षीया महिलाको मृत्युपछि पिसिआर जाँच गर्दा कोरोना संक्रमण देखिएको स्वास्थ्य तथा जनसंख्या मन्त्रालयका प्रवक्ता डा. विकास देवकोटाले बताए ।

डोल्पाका पुरुष दमको रोगी रहेको उनले जानकारी दिए । उनकाे २१ जेठमा मृत्यु भएकाे थियाे ।

त्यसैगरी धनगढीकी महिला सेती अस्पतालमा २३ जेठमा डायलाइसिस गराउन आएकी र मृत्यु भएको मन्त्रालयले जनाएको छ ।

उनको मृत्युपछि परीक्षण गर्दा कोरोना पोजेटिभ देखिएको देवकोटाले बताए । ‘डायलाइसिस गराउन आउँदा कोरोनाको कुनै लक्षण उहाँमा थिएन,’ उनले भने, ‘परीक्षण गर्दा भने संक्रमण पुष्टि भयो ।’