पछिल्लोपटक देशमा चार सय २५ जनामा कोरोना संक्रमण देखिएको छ ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार थपिएकाहरूमा तीन सय ७५ जना पुरुष ५० जना महिला रहेका छन् ।
योसँगै देशभर कुल कोरोना संक्रमितको संख्या पाँच हजार सात सय ६० पुगेको छ । जसमा पाँच हजार तीन सय २४ जना पुरुष र चार सय ३६ जना महिला रहेका छन् ।
देशका कुल ७७ जिल्लामध्ये ७३ जिल्लामा कोरोनाको संक्रमण फैलिन पुगेको मन्त्रालयले जनाएको छ ।
पछिल्लो समय ६१ जना संक्रमणमुक्त भई डिस्चार्ज भएका छन् । जसमा ५५ जना महिला र ६ जना पुरुष रहेको स्वास्थ्य मन्त्रालयले जनाएको छ ।
हालसम्म देशभर कोरोनामाथि विजयी भई नाै सय ७४ जना डिस्चार्ज भएका छन् । जसमा आठ सय ७७ जना पुरुष र ९७ जना महिला रहेका छन् ।