जय भोलि प्रस्तुत गरेको समयको महत्व

'जय भोलि !' निबन्धमा भोलि भनी समयको ख्यालै नगर्ने हामी नेपालीहरूको राष्ट्रिय संस्कारप्रति गहिरो व्यङ्ग्य प्रहार गरिएको छ | यस निबन्धमा समय प्रवल, गतिशील र महत्वपूर्ण हुन्छ | यसलाई सही रूपमा प्रयोग गर्नुपर्छ भन्ने आशय लुकेको छ | समय मानिस भन्दा प्रवल भएकोले यसलाई मानिसले न फर्काउन नै सक्छ न रोक्न नै सक्छ | फेरी समय गतिशील भएकोले यसले मानिसहरूलाई पर्खेर बस्न पनि सक्दैन | समय सधैँ आफ्नो गतिमा हिंडिरहेको हुन्छ | यो मूल्यवान र महत्वपूर्ण भएकोले यसलाई खेर जान दिनु हुँदैन, यदि खेर गइहल्यो भने जति नै मूल्य तिर्दा पनि उसलाई प्राप्त गर्न सकिदैन |