कर्तव्य कथाको मूल आशय

कर्तव्य' शीर्षक कथाले प्रत्येक परिवारमा परिवारको जेष्ठ सदस्यले अरू सदस्यहरू प्रति अभिभावकको भूमिकालाई कसरी पूरा गर्नुपर्दछ भन्ने संदेश दिएको छ | यस धर्तीमा जन्मिएर आएपछि मानिसको आफ्नो कूल वा वंशको पहिचान रहन्छ, आफ्नो परिवार हुन्छ | परिवारका सदस्यहरूबीच एकआपसमा सानातिना समस्याहरू पनि सिर्जना हुन्छन्, यस्ता समस्याहरूले सदस्यहरूबीच विवाद भई झगडामा परिणत हुने, बोलचाल बन्द हुने, आवतजावत बन्द हुने र विभिन्न प्रकारका मुद्दामामिला समेत हुन सक्दछ | यस प्रकारका समस्या भए पनि समाजमा बसेपछि समाजका अगाडि आफ्नो इज्जत प्रतिष्ठा परिवारका कुनै एक सदस्यबाट गुम्न लाग्यो भने आँखा चिम्लेर अथवा मुकदर्शक बनेर बस्नु हुदैन, यस्तो परिस्थितिमा प्रस्तुत कथाका केन्द्रीय पात्र मुरलीधरले झैँ हामीले पनि जेष्ठ सदस्यको नाताले आफ्नो कर्तव्य सधैँ निर्वाह गर्नुपर्छ भन्ने मूल आसय नै यस 'कर्तव्य' कथामा पाइन्छ |