नेपालमा कोरोना संक्रमित थपिए : १९ वर्षीया युवतीमा पोजेटिभ

March 28, 2020

नेपालमा कोरोना (कोभिड–१९) भाइरस संक्रमितको संख्या पाँच पुगेको छ। शनिबार भएको स्वास्थ्य परीक्षणामा थप एक १९ वर्षीया युवतीमा कोरोना पोजेटिभ भेटिएको हो। बेल्जियमबाट कतार हुँदै क्यूआर ६५२ नम्बरको उडानमा १७ मार्च (चैत ४ गते) नेपाल आएकी बाग्लुङकी युवतीमा कोरोना पुष्टि भएको स्वास्थ्य मन्त्रालयले जानकारी गराएको हो।

यसअघि नेपालमा चार जनामा कोरोना पुष्टि भएको थियो। त्यसमध्ये एकजना उपचारपछि निको भएका छन्। अन्य तीन जनामध्ये दुईको शुक्रराज ट्रपिकल तथा सरुवा रोग अस्पताल टेकुमा र एकजनाको प्रादेशिक अस्पताल धनगढीमा उपचार भइराखेको छ।

मन्त्रालयका प्रवक्ता डा. विकास देवकोटाका अनुसार टेकु अस्पतालमा मात्रै चारजना आइसोलेसन र ६ जना क्वारेन्टाइनमा गरी १० जनाको उपचार भइराखेको छ ।

कोरोना परीक्षणका लागि आवश्यक पर्ने सामान लिन नेपाल एयर लाइन्सको वाइड बडी विमान शनिबार नै चीन गएको छ । यो विमान आइतबार बिहानसम्म सामान लिएर आइपुग्ने डा. देवकोटाले बताए । उनका अनुसार विमानबाट स्वास्थ्यकर्मीले लगाउने पीपीईसँगै अन्य महत्वपूर्ण उपकरण ल्याइने छ । डा. देवकोटाले शनिबारबाटै धरानस्थित बीपी कोइराला स्वास्थ्य विज्ञान प्रतिष्ठानमा कोरोना परीक्षण सुरु भएको जानकारी दिए ।

by Ramos Sapkota

5 reasons you might be seeing more wildlife during the COVID-19 pandemic

People are spotting more animals, but not because there are more of them Coyotes sauntering down the streets of San Francisco. Neighborhoods flooded with birdsong. Snakes slithering onto trails and sidewalks. And of course, the rats. Rats everywhere. Somehow, as COVID-19 […]

ramos Environment